इलाम नगरपालिकाको प्रथम नगरसभाको अवसरमा इलाम नगरपालिकाले इलाम नगरको विविध क्षेत्रमा उत्कृष्ट योगदान गर्ने व्यक्ति तथा संस्थाहरुलाई सम्मान गरेको छ । नगर सभा भवनमा आयोजित कार्यक्रममा प्रमुख अतिथि, इलाम नगरका जेष्ठ नागरिक श्री टंकनाथ भुर्तेलले सम्मानित व्यक्तिहरुलाई रु १०,०००।०० नगर पुरस्कारसहित सम्मान गर्नु भएको थियो । सो सम्मान कार्यक्रममा इलाम नगरपालिकाका प्रमुख महेश बस्नेतले नगरका जेष्ठ नागरिक श्री टंकनाथ भुर्तेल र श्रीमती इन्द्रछायाँ भुर्तेललाई दोसल्ला ओढाएर सम्मान गर्नु भएको थियो ।